नाशिक – एप्रिल व मे महिन्यात इयत्ता 10 वीच्या माध्यमिक शालान्त प्रमाणपत्र परिक्षा आणि उच्च माध्यमिक 12 वीच्या परीक्षा घेण्यात येणार आहेत. या परीक्षा काळात विशेष गरजा असणाऱ्या दिव्यांग विद्यार्थ्यांच्या समस्या सोडविण्यासाठी व माहिती उपलब्ध करुन देण्यासाठी सहायक सचिव तथा सहसचिव(प्र.) मंदाकिनी देवकर यांची नियुक्ती करण्यात आली आहे, असे महाराष्ट्र राज्य माध्य व उच्च माध्य.शिक्षण मंडळ, नाशिक विभागीय मंडळाचे विभागीय सचिव राजेंद्र अहिरे यांनी एका शासकीय प्रसिध्दी पत्रकान्वये कळविले आहे.
प्रसिध्दी पत्रकात नमूद केल्यानुसार, नाशिक विभागीय मंडळाचे कार्यकक्षेतील शाळा व कनिष्ठ महाविद्यालय, दिव्यांग विद्यार्थी, पालक यांच्या मदतीसाठी सहायक सचिव मंदाकिनी देवकर यांची नियुक्ती करण्यात आली आहे.
नाशिक विभागीय मंडळाच्या कार्यकक्षेत येणाऱ्या शाळा व कनिष्ठ महाविद्यालय, दिव्यांग विद्यार्थी, पालक यांनी काही अडचणी आल्यास किंवा संबंधित परीक्षेविषयी माहिती जाणून घेण्यासाठी सहायक सचिव मंदाकिनी देवकर यांचेशी 7755903427,8888339423 या भ्रमणध्वनीवर संपर्क साधावा. तसेच महाराष्ट्र राज्य माध्य व उच्च माध्य शिक्षण मंडळ, नाशिक विभागीय मंडळ, नाशिक, गट/सर्व्हे नं.1560/1 आडगांव शिवार, न्यु इंग्लिश स्कुल जवळ मुंबई आग्रारोड, नाशिक येथे या कार्यालयाच्या पत्त्यावर देखील संपर्क करु शकता, असेही विभागीय सचिव श्री. अहिरे यांनी प्रसिध्दी पत्रकाद्वारे कळविले आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
