नवी दिल्ली – जपानमध्ये होंडा कंपनीने प्रगत तंत्रज्ञानाने सज्ज असलेली अनोखी लेजेंड टेस्ला ही कार लॉन्च केली असून ती चालकाविना स्वत: चालविण्यास सक्षम आहे. विशेष म्हणजे ही कार महामार्गाच्या लेनवर सहजपणे चालू शकते आणि स्वतः पुढील वाहन पास करण्याचा आणि रस्ता बदलण्याचेही वैशिष्ट्य आहे, ज्याचा ड्रायव्हरला विचार करावा लागणार नाही.
होंडाची ही कार अतिशय अत्याधुनिक तंत्रज्ञानाने सज्ज असून त्यात अनेक सोयीची सुविधा पुरविल्या आहेत, यामुळे वाहन चालविणे देखील सोपे होते. या कारमध्ये एक खास स्टॉप फीचर देखील आहे, जेव्हा ड्रायव्हर कोणताही प्रतिसाद देत नाही, तेव्हा कार आपोआप थांबते. या कारची सुरक्षा सुनिश्चित करण्यासाठी सुमारे वेगवेगळ्या 10 लाख चाचण्या केल्या आहेत.
या कारची 100 युनिट्स जपानमध्ये तयार करण्यात आली आहेत. लीजेंड हे एक स्वतः वाहन चालविणारे तंत्रज्ञान असून विविध स्वायत्त ड्रायव्हिंग टेक्नॉलॉजीने सुसज्ज आहे. या कारमधील कॅमेरा युनिट आपल्यापुढे जाणाऱ्या वाहनांवर लक्ष ठेवते आणि त्यानुसार कार नियंत्रित होते.
एवढेच नाही तर गाडी पुढे धावणाऱ्या वाहनांच्या चालकांवरही नजर ठेवते जेणेकरून वाहन चालविणे सुलभ होईल. या कारची किंमत 11 दशलक्ष येन म्हणजे सुमारे 74 लाख रुपये इतकी आहे.
