नवी दिल्ली – अभिनेत्री प्रियांका चोप्रा लवकरच हॉलिवूडच्या ‘वुई कॅन बी हिरोज’ या चित्रपटात दिसणार आहे. या चित्रपटात ती खलनायकाची भूमिका साकारणार आहे. तिच्याशिवाय पेट्रो पास्कल, क्रिश्चन स्लेटर, आणि बॉयज होल्ब्रुक यांच्या यात प्रमुख भूमिका आहेत.
या चित्रपटाचा फर्स्ट लूक समोर आला असून यात प्रियांका खूप चिडलेली दिसते आहे. तिच्या सोबत आणखी दोघेजणही यात आहेत. नव्वदच्या दशकातील सुपरहिरो शार्क बॉय आणि लावा गर्ल यांची ही गोष्ट आहे. या चित्रपटाशिवाय प्रियांका ‘द व्हाईट टायगर’मध्येही दिसणार आहे. प्रियांका चोप्रा आणि तिचे पती निक जोनास सध्या लंडनमध्ये आहेत. तेथूनच तिने आपल्या चाहत्यांना दिवाळीच्या शुभेच्छा देताना एक सुंदरसा फोटो शेअर केला आहे.
