मुंबई – देशातील सर्वात मोठे कोविड सेंटर राजधानी मुंबईत साकारण्यात आले आहे. येथील वांद्रे-कुर्ला संकुलात (बीकेसी) हे सेंटर उभारण्यात आले आहे. अवघ्या १५ दिवसांच्या कालावधीत हे सेंटर तयार करण्यात आले असून येथे लसीकरणाची मोहिमही राबविण्यात येत आहे.
या सेंटरची वैशिष्ट्ये अशी…
– मुंबई महानगर प्रदेश विकास प्राधिकरणाने (एमएमआरडीए) केवळ १५ दिवसांत २०० आयसीयू बेड्स आणि १००० बेड्सची जम्बो सुविधा असलेले देशातील पहिले खुले कोविड सेंटर उभारले आहे.
– जुलै २०२० मध्ये येथे दुसरा टप्पा उभारण्यात आला होता. तत्पूर्वी साधारणत: एक महिन्याभरापूर्वी बीकेसी येथील मैदानावर १००० खाटांचे रुग्णालय उभारण्यात आले हाेते. त्यानंतर याच ठिकाणी दुसऱ्या टप्प्याअंतर्गत अतिरिक्त १२०० खाटांचे आयसीयु, डायलेसिसची सुविधा असलेले रुग्णालय उभारण्यात आले.
