हेल्मेटसाठी तुमच्या काही सूचना आहेत?

तातडीने पाठवा रस्ते व वाहतूक महामार्ग मंत्रालयाला

नवी दिल्ली – रस्ते वाहतूक आणि महामार्ग मंत्रालयाने दुचाकीस्वारांसाठी संरक्षक हेल्मेटला भारतीय मानक ब्यूरो कायदा २०१६ नुसार सक्तीच्या प्रमाणीकरण अंतर्गत आणण्यासाठी एक मसुदा अधिसूचना जारी केली आहे. यामुळे देशात दुचाकी वाहनांसाठी केवळ बीआयएस प्रमाणित हेल्मेटची निर्मिती आणि विक्री करता येईल. यामुळे दुचाकी हेल्मेटची गुणवत्ता सुधारेल आणि रस्ता सुरक्षा परिस्थितीही सुधारेल तसेच दुचाकी वाहनांना होणाऱ्या प्राणघातक जखमा कमी करण्यात मदत होईल. यासंदर्भातील सूचना किंवा अभिप्राय सहसचिव (एमव्हीएल), रस्ते वाहतूक आणि महामार्ग मंत्रालय, परिवहन भवन, संसद पथ, नवी दिल्ली-१ (ईमेल: [email protected]) यांना ३० दिवसांच्या आत पाठवाव्यात, असे आवाहन मंत्रालयाने केले आहे.