बीजिंग – चीन आणि पाश्चात्य देशांमधील संघर्ष कायम असून ब्रिटिश दूरचित्रवाणी चॅनल म्हणजेच बीबीसी वर्ल्ड न्यूजवर चीनने बंदी घातली आहे. चीनच्या नॅशनल रेडिओ अॅण्ड टेलिव्हिजन म्हटले आहे की, कोविड -१९ आणि झिनजियांगबाबत बीबीसीने चुकीचे अहवाल दिल्याने ही बंदी जाहीर केली आहे.
चीनने असेही म्हटले की, बीबीसीने बातमी सत्यतेबाबत आवश्यक अटीचे उल्लंघन केले आहे. बीबीसीच्या प्रसारित अहवालांमुळे चीनच्या राष्ट्रीय हितांचे नुकसान झाले असून त्याचे राष्ट्रीय ऐक्य कमकुवत झाले आहे. बीबीसी चीनमध्ये प्रसारित केलेल्या विदेशी वाहिन्यांसाठी आवश्यक अटी पूर्ण करीत नाही. तसेच, चीनने बीबीसीला पुढील वर्षापर्यंत प्रसारणासाठी अर्ज करण्यास बंदी घातली आहे.
त्याचप्रमाणे गेल्या 4 फेब्रुवारी रोजी ब्रिटनने आपल्या देशातील चीनच्या अधिकृत मीडिया सीजीटीएनवर बंदी घातली होती, तेव्हापासून आतापर्यंत असे लक्ष आले होते की, चीन देखील बीबीसीवरही बंदी घालेल. या बंदी दरम्यान झालेल्या ब्रिटनला चौकशीत असे आढळले की, सीजीटीएनमध्ये संपादकीय नियंत्रण नसते. याव्यतिरिक्त, चीनच्या सत्ताधारी कम्युनिस्ट पक्षाशी चॅनेलचे संबंध होते. ब्रिटनचे परराष्ट्रमंत्री डॉमिनिक रॅब यांनी बीबीसी वर्ल्ड न्यूज चॅनलवर बंदी घालण्याच्या चीनच्या निर्णयाला अस्वीकार्य म्हटले आहे. चीनच्या या भूमिकेने युरोपीन देश दुखावले गेले आहेत.
