हायवेवर खुल्या कारमध्ये नाचत होती नवरी आणि घडली ही मोठी दुर्घटना (व्हिडिओ)

मुंबई – वरातीला झालेल्या अपघाताने आनंदाचे दुःखात रुपांतर झाले. या वरातीत अतिशय आनंदात असलेली नवरी खुल्या कारमध्ये नाचत असताना लोकांनी बघितले होते आणि काहीच वेळात या उत्साहाची जागा अश्रूंनी घेतल्याचेही लोकांनी बघितले.

हा अपघात महामार्गावर झाला. यात बहादरपूर गावातील रहिवाश्याचा मृत्यू झाला तर १३ लोक गंभीर जखमी आहेत. या घटनेनंतर संपूर्ण गावाला धक्का बसला आहे. मात्र अपघात कुठे झाला यापेक्षा कसा झाला, हे अधिक महत्त्वाचे आहे. या घटनेची माहिती मिळताच आसपासच्या गावांमधील लोक मदतकार्यासाठी गोळा झाले. त्याचवेळी पोलीसही घटनास्थळी पोहोचले.

बघा व्हिडिओ

https://twitter.com/kamalkhan_NDTV/status/1361976233739784192

जखमींना रुग्णालयात भरती करण्यात आले. उत्तर प्रदेश येथील मुझफ्फरनगरमध्ये डेहराडून–दिल्ली महामार्गावर एका बँक्वेट हॉलच्या बाहेर वरात उभी होती. त्याचवेळी नियंत्रण सुटलेली एक कार थेट वरातीतील लोकांच्या अंगावर चढली. कारचा वेग इतका जास्त होता की वरातीतील एक जण तर सहा फूट उंच उडाला आणि लांब कुठेतरी जाऊन पडला. 

ज्या कारमुळे हा अपघात घडला ती माजी नगराध्यक्षाची होती असे बोलले जात आहे. ज्याचे लग्न होते तो सिंचन विभागात स्टोअर कीपर आहे. पहाटे दीड वाजचा वरात हॉलपुढे पोहोचली तेवढ्यात ब्युटी पार्लरमधून आलेली नवरीही तिथे दाखल झाली. तिने कारचे सनरुफ उघडले आणि त्याचठिकाणी धावत्या कारमध्ये डान्स करू लागली. त्याचवेळी एक स्वीफ्ट आली आणि वरातीतील लोकांच्या अंगावर चढली. पुढच्या घटनेने सारेच स्तब्ध झाले होते.