हातगाडीवाले, व्यावसायिक, सफाई कामगार कोरोनाचे सुपर स्प्रेडर? ३० पथकांची नियुक्ती

नाशिक – शहरात कोरोनाचा वाढणारा प्रादुर्भाव लक्षात घेता महापालिकेने मोठा निर्णय घेतला आहे. शहरातील रस्त्यांवर विविध वस्तू आणि पदार्थ विक्री करणारे हातगाडीवाले आणि व्यावसायिक हे कोरोनाचा मोठा प्रमाणात फैलाव करणारे असू शकतात. ही शक्यता गृहित धरुन महापालिकेने या सर्व विक्रेते आणि व्यावसायिकांची आरटीपीसीआर ही चाचणी करण्याचा निर्णय घेतला आहे. त्यासाठी महापालिकेने तब्बल ३० पथकांची नियुक्तीही केली आहे.

नाशिक शहर व परिसरात कोरोनाचा प्रादुर्भाव वाढत असून तो प्रादुर्भाव कमी करण्याच्या अनुषंगाने विविध पातळ्यांवर मनपा प्रशासनाच्या वतीने प्रयत्न केले जात आहेत. शहरात विविध किराणा दुकानदार, फळ विक्रेते, भाजी विक्रेते, औषध विक्रेते, हातगाडीवरील विक्रेते, सलून चालक, आदींचा विविध लोकांशी संपर्क येतो. त्यांच्या संपर्कामुळे देखील कोविड -१९ कोरोनाचा प्रादुर्भाव वाढू शकतो. हा प्रादुर्भाव रोखण्यासाठी शहरातील सर्व विक्रेत्यांची कोविड-१९ आर.टी.पी.सी.आर चाचणी करून घेण्याचे महापालिकेने निश्चित केले आहे.

त्याअनुषंगाने महापालिका आयुक्त कैलास जाधव यांनी आरोग्य विभागाला निर्देश दिल्यानंतर विभागाने ३० पथकांची नेमणूक केली. नागरिकांनी आलेल्या आरोग्य पथकास सहकार्य करून स्वतःची कोविड-१९  आर.टी.पी.सी.आर चाचणी करून घ्यावी, असे आवाहन आरोग्य वैद्यकीय अधिकारी डॉ.बापूसाहेब नागरगोजे यांनी केले आहे.

कर्मचाऱ्यांचीही चाचणी