नवी दिल्ली – लडाखच्या दौलत बेग ओल्डी सेक्टरमध्ये हिमवृष्टी झाली असून लाईन कंट्रोलवर ७ किमी लांबीच्या वास्तविक नियंत्रण रेषेवरील तापमान शून्याच्या खाली गेले आहे. अशा हाडे गोठवणाऱ्या थंडीत आपले जवान सीमेचे रक्षण करत आहेत.
बर्फाचा मारा, प्रतिकुल हवामान त्यामुळे येथील परिस्थिती भयानक बनते. तथापि, आपल्या देशाच्या जवानांनी चिनी सैनिकांच्या हल्ला करण्याच्या हेतूला धडकावून लावले. भारतीय सैनिकांच्या उग्र भावनेला तोंड देताना चीनच्या सैन्याने प्रतीहल्ले केले. त्यामुळे येथे आपले सैन्य बर्फ आणि चीन अशा एकाच वेळी दोन शत्रूंचा सामना करत आहे. दोन्ही आघाडीवर कठोर आव्हान असूनही भारतीय सैन्यातील वीर स्थानापासून एक इंचही मागे हटलेले नाहीत. नेहमीच संघर्षाच्या असलेल्या सर्व भागात मे महिन्यापासून सैनिक उभे आहेत. भारत आणि चीनमधील संघर्ष कमी करण्याच्या संमतीच्या दरम्यानही कोणत्याही परिस्थितीत बदल झालेला नाही.
भारत आणि चीन यांच्यात चर्चेच्या 8 फेऱ्या झाल्या आहेत, परंतु अद्यापपर्यंत कोणतेही ठोस निकाल दिसून आले नाहीत. भारतीय सैन्य खराब हवामानामुळे विचलित न होता बर्फाचे तंबू आणि बंकारमध्ये थांबले आहेत, तर थंडीने गारठलेले व कुचकामी असलेले चिनी सैनिक कंटेनरमध्ये बसले आहेत. भारतीय सेना एलएसी येथे विशेष सैन्यासह तैनात आहे आणि तणाव कायम आहे म्हणून बॉर्डर रोड ऑर्गनायझेशनने उंच पर्वतावरील सर्वत्र सैन्य वाढ केली आहे – मरासीमिकाला ( 18314 फूट उंचीवर), चांग ला ( 17585 फूट उंचीवर) आणि खारडुंग ला (17582 फूट) उंच आहे, येथील
एका लष्करी कमांडरने सांगितले की, टप्प्याटप्प्याने सैन्यांची माघार घेण्याचा अंदाज वर्तविला जात आहे, कारण सैन्य कमांडर स्तरावर चर्चा अजूनही चालू आहे. जमिनीवरील स्थितीत कोणताही बदल झालेला नाही आणि भारतीय सैनिकांचे मनोबल उच्च आहे. ते पीएलएच्या प्रत्येक आव्हानाला तोंड देण्यास तयार आहेत. तर एका माजी सैन्य प्रमुखांनी सांगितले की, एलएसीवरील तणाव सहजपणे संपणार नाही, कारण दोन्ही बाजूचे सैन्य प्रतिकुल हवामानाच्या विरोधात उभे राहण्याच्या एकमेकांच्या क्षमतेची चाचणी घेत आहेत.
