पुणे – राज्यभरात कोरोना धुमाकूळ घालत असल्याने रुग्णांसाठी ऑक्सिजन अतिशय महत्त्वाचे ठरत आहे. त्यामुळे ऑक्सिजन सिलेंडरलाही विशेष महत्त्व प्राप्त झाले आहे. मात्र, चाकण परिसरातून रुग्णालयाला लागणारे ऑक्सीजन सिलेंडर असलेला टेम्पो चोरीला गेल्याची धक्कादायक घटना घडली आहे. तशी माहिती पुणे पोलिसांनी दिली आहे. वाहतुकदाराच्या घराजवळ उभा असलेला टेम्पो ऑक्सिजन सिलेंडरसकट गुरुवारी रात्री चोरीला गेला. सध्या कोविड १९ च्या पार्श्वभूमीवर ऑक्सिजनला आरोग्य सेवेतील अत्यावश्यक घटक म्हणून महत्त्व मिळालं आहे. तसंच अनेक रुग्णालयांना ऑक्सिजनचा तुटवडा भासतो आहे. या पार्श्वभूमीवर ही घटना घडली आहे. त्यामुळे सर्वत्र आश्चर्य व्यक्त होत आहे.
