मालेगाव – तालुक्यातील बोधे गावात आजचा दिवस ऐतिहासिक आहे. येथे निवडणूक काळात पहिल्यांदाच मतदान केंद्र लागले आहे. या गावाचे नशिब एवढे थोर की प्रशासनाने या केंद्राची निवड चक्क आदर्श केंद्र म्हणून केली. त्यामुळेच या केंद्रात अनेकविध उपाययोजना करण्यात आल्या आहेत. फुग्यांनी सजविलेले केंद्र, मतदारांचे पुष्पगुच्छ देऊन स्वागत, सॅनिटायझर, मास्कचा वापर यासह अनेक बाबींमुळे हे गाव सध्या सर्वांचे लक्ष वेधून घेत आहे. तसेच, गावातील सर्व मतदारही यामुळे खुष झाले आहेत. पहिल्यांदाच गावात मतदान करताना आणि त्यातही आदर्श केंद्र असल्याने ग्रामस्थांमध्ये आनंदाचे वातावरण आहे. या मतदान केंद्रावर सकाळी ७.३० वाजताच मतदान प्रक्रिया सुरू करण्यात आली आहे.
मतदान केंद्राचे हे काही फोटो
