नाशिक – प्रा. अमोल पाटील यांच्या नेतृत्वात एक दिवाळी अशीही..! हा सामाजिक कार्यक्रम दरवर्षी अनाथाश्रमात आयोजित करण्यात येतो. यंदा मात्र कोरोणा चे गंभीर वातावरण असतांना पुरेशी खबरदारी घेत स्वराज्य युवा प्रतिष्ठान च्या सदस्यांनी नाशिक मधील “आधाराश्रम” येथे जाऊन खऱ्या अर्थाने दिवाळी साजरी केली.
आश्रमाचा परिसर स्वच्छ करून बहुरंगी सजावट करण्यात आली. रंगीत फुगे, आकाश कंदील, यामुळे परिसर उल्हासीत होऊन गेला. यावेळी सदस्यांकडून १३० मुलांसाठी चांगल्या दर्जाचे मास्क, सॅनिटायझर, दिवाळीचा संपूर्ण फराळ, आयुर्वेदिक सुंगंधी उटणे, केक, कॅडबरी आश्रमाच्या अधीक्षकांकडे सुपूर्त करण्यात आले.
योगा योगाने बालदिन साजरा करण्याचा दुग्ध शर्करा योग यानिमित्ताने जुळून आला.
खऱ्या अर्थाने दिवाळी साजरी होऊन समाधान मिळाल्याची भावना याप्रसंगी सर्व सदस्यांनी व्यक्त केली. उपक्रमाच्या यशस्वीतेसाठी स्वराज्य युवा प्रतिष्ठान चे अध्यक्ष प्रा. अमोल पाटील, वैदेही पाटील, सोनाली पाटील, पियुष अग्रवाल, यश चौधरी, दीपक ढवळे, योगीराज पवार, निखिल चौधरी, पवन अहिरे, तेजस कांकरिया, रीतु बैरागी आदींनी परिश्रम घेतले.
