नाशिक – स्पंदन इव्हेंट मॅनेजमेंट आयोजित नाशिक ग्लॅमर हंट – २०२१ या बेस्ट कपल्स, तरुण – तरुणी व लहान मुलांसाठी घेण्यात आलेल्या स्पर्धेत बेस्ट कपल्स म्हणून पहिल्या पारितोषिकाचे मानकरी प्रवीण देवरे व अर्चना देवरे हे ठरले. सहा महिन्यापूर्वी या बेस्ट कपल्सने संगीत मराठीवर तू माझा हे गाणे प्रदर्शित करुन धूम केली होती. चाळीशीनंतर विवाहीत जोडप्याने कसे प्रेम करावे अशी थीम या गाण्यात होती.
ही स्पर्धा ७ फेब्रुवारी रोजी बिग सिटी येथे घेण्यात आले. स्पंदन इव्हेंटने घेतलेल्या या स्पर्धचे आयोजन स्पदंनच्या पूजा आहेर, सुयोग एंडाईत, समीर शेख यांनी केले.या स्पर्धेचे परिक्षण क्क्वीन अ‍ॅम्बेसेडर तरुन्नुम शेख, ( मिसेस इंडिया इंटरनॅशनल क्क्वीन दुबई ) , मिसेस महाराष्ट्र २०२० च्या विजेत्या पूजा आहेर, जान्हवी हाते, स्मिता देशमुख यांनी केले. या स्पर्धेचे नृत्य दिग्दर्शन श्रवण तिवारी, छायाचित्रण जयेश तर कार्यक्रमाचे सूत्रसंचालन आदित्य यांनी केले.
