नवी दिल्ली – वयाच्या पाच आणि नवव्या वर्षी आपलं लैंगिक शोषण झाल्याचा दावा चित्रपट अभिनेत्री सोमी अली यांनी केला आहे. त्या १४ वर्षांच्या असताना त्यांच्यावर अत्याचार झाला होता, असाही दावा त्यांनी केला आहे. सोमी अली पाकिस्तानी अभिनेत्री आहेत. त्यांनी ९० च्या दशकात बॉलिवूडमध्ये अनेक चित्रपटात काम केलं होतं. आता त्यांनी अभिनयाचं क्षेत्र सोडलं असून, त्या आता स्वतःचं नो मोअर टियर्स नावाचं एनजीओ चालवतात.
या एनजीओच्या माध्यमातून सोमी अली अत्याचार झालेल्या पीडित मुलींना वाचवण्याचा प्रयत्न करत आहेत. त्यांच्यावर लैंगिक शोषण झाल्याचा खुलासा त्यांनी केला आहे. पिपिंग मूनला दिलेल्या मुलाखतीदरम्यान त्यांनी हा खुलासा केला आहे. त्या ५ आणि ९ वर्षांच्या असताना त्यांचं लैंगिक शोषण झालं होतं. १४ वर्षांच्या असताना त्यांच्यावर अत्याचार झाला होता, असं त्यांनी मुलाखतीत म्हटलं आहे.
