सोनू सूद देणार १ लाख नोकऱ्या; तुम्हालाही हवी आहे का?

१० कोटी लक्ष्य 

अभिनेता सोनू सूदने या ट्विटमध्ये सांगितले आहे की, आम्ही एक लाख लोकांच्या नोकरीची व्यवस्था केली आहे.  तसेच यानंतर ते येत्या ५ वर्षात सुमारे १० कोटी लोकांचे जीवन बदलण्याच्या योजनेवरही काम करत आहेत.

रोजगारासाठी हे अ‍ॅप

आता सोनू सूद देशातील कोट्यावधी लोकांना नोकर्‍या देण्याची व्यवस्था देखील करीत आहे.  अशा लोकांसाठी सोनू सूद रोजगार योजना घेऊन आला आहे. सूदने यासाठी अनोखे अ‍ॅप तयार केले आहे. त्याची लिंक शेअर केली असून यासह त्याने मजेदार हॅशटॅगही लिहिले आहेत.

या हॅशटॅगमध्ये अब इंडिया बनेगा कमयाब- (#AbIndiaBanegaKaamyaab), गुड वर्कर – (#GoodWorker), नौकरी पाना हुआ आसान – (#NaukriPaanaHuaAasaan) यांचा समावेश आहे.

निर्णयाचे कौतुक

सोनू सूद यांनी केलेले हे ट्विट हजारो लाखो बेरोजगारांच्या चेहऱ्यावर आनंद आणून देत आहे.  या योजनेबद्दल लोक सोनू सूद याचे कौतुक करून आभार मानत आहेत. सोनू सूद यांनी पूर्वी असा दावा केला होता की, आतापर्यंत या अभियानाद्वारे १ लाख २० हजार ५२ लोकांना नोकर्‍या देण्यात आल्या आहेत. आणि आता १ लाख लोकांसाठी ते पुन्हा नव्या संधीसह हजर झाले आहेत.

https://twitter.com/SonuSood/status/1370998014605619200

गुडवर्कर अ‍ॅप्लिकेशन काय आहे?

गुडवर्कर हे जॉब अ‍ॅप्लिकेशन असून ते प्रवासी भारतातील स्थलांतरित मजुरांना रोजगार मिळावे या उद्देशाने तयार केले गेले आहे. अभिनेता सोनू सूद यांच्या पुढाकाराने हे अॅप तयार केले आहे.  गुडवॉर्कर एक असे अॅप आहे जे रोजगारासाठी काम करत आहे.

गुडवर्कर अ‍ॅप कार्य कसे करते?

या अ‍ॅपद्वारे स्थलांतरित मजूर किंवा बेरोजगारांना घरात बसून नोकरी मिळू शकेल. यासाठी त्यांना नोकरी शोधण्यासाठी किंवा अर्ज करण्यासाठी कोठेही जाण्याची गरज भासणार नाही. आपण गुडवर्कर अॅपवर आपला रेझ्युम विनामूल्य तयार करु शकता.