नाशिक- सेंट्रल हिंदू मिलिटरी एज्युकेशन सोसायटीचे माजी अध्यक्ष अॅड.नारायण (आप्पासाहेब) घटाटे (वय८७) यांचे काल (ता.२३) दिल्लीतील त्यांच्या निवासस्थानी निधन झाले. ते दिल्ली येथील उच्च न्यायालयात वकिली व्यवसाय करत होते .भारतीय राज्य घटना या विषयात ते तज्ञ होते. त्यांचे शिक्षण राष्ट्रीय भारतीय मिलिटरी अकादमी येथे झाले. माजी पंतप्रधान अटल बिहारी वाजपेयी यांचे ते निकटवर्तीय म्हणून ओळखले जात. अटलबिहारी वाजपेयी यांच्यावर आधारीत अनेक पुस्तकांचे लिखानही त्यांनी केले आहे. सेंट्रल हिंदु मिलिटरी एज्युकेशन सोसायटीच्या प्रगतीत त्यांचे महत्वपूर्ण योगदान राहिले आहे. घटाटे यांना भावपूर्ण श्रध्दांजली. या परिवाराच्या दुःखात संस्थेचे सर्व पदाधिकारी, उपसंस्था प्रमुख, शिक्षक,शिक्षकेत्तर कर्मचारी सहभागी आहेत.
