‘सिव्हिल’मध्ये लवकरच नियंत्रण कक्ष; बेडसह सर्व माहिती मिळणार

     नाशिक जिल्ह्यातील कोविड रुग्णालयांमध्ये ग्रामीण भागातील नागरिकांना बेड उपलब्धतेबाबत होणारी गैरसोय लक्षात घेता तसेच कोविड -१९  रुग्णांच्या प्रश्नांची उत्तरे देण्यासाठी सिव्हिल हॉस्पिलमध्ये लवकरच एक हेल्पलाइन नंबर असलेले नियंत्रण कक्ष कार्यन्वित होणार आहे. जिल्हाभरातील कोविड केंद्रांमधील प्रवेशाबाबत नातेवाईकांना या नियंत्रण कक्षात माहिती मिळू शकेल. तसेच डॉक्टरांची उपलब्धता, रिक्त खाटांची संख्या, कोव्हीड रुग्णालये (डीसीएच) आणि कोव्हीड आरोग्य केंद्रे (डीसीएचसी) यांची सर्व माहिती नियंत्रण कक्षातील कर्मचार्‍यांकडे उपलब्ध  असेल. त्यामुळे हेल्पलाइन नंबरवर कॉल केल्यास कोविड सुविधेबद्दल सर्व माहिती मिळू शकेल तसेच रुग्णांना तात्काळ उपचार घेता येतील.

सिव्हिल सर्जन डॉ. रत्ना रावखंडे यांनी सांगितले की, आम्ही लवकरच नियंत्रण कक्ष सुरू करण्याच्या विचारात आहोत.  कंट्रोल रूममध्ये एक डॉक्टर, डेटा एंट्री ऑपरेटर आणि इतर कर्मचारी असतील.  कॉल आल्यावर कंट्रोल रूममधील डॉक्टर कोविड -१९ रूग्ण दाखल करू शकतात अशा कॉलरला मार्गदर्शन करतील.

 बर्‍याच वेळा कोविड -१९ रूग्ण अनावश्यकपणे नाशिक सिव्हिल हॉस्पिटल, कोविड -१९ रूग्णांच्या उपचारासाठी नोडल हॉस्पिटलमध्ये आणले जातात, वास्तविक त्यांच्यावर डीसीएचसी किंवा अगदी कोव्हीड केअर सेंटर (सीसीसी) मध्ये उपचार केले जाऊ शकतात, कारण त्यांना सौम्य किंवा  मध्यम लक्षणे असतात. परिणामी, सिव्हिल हॉस्पिटलमधील बेड विनाकारण ताब्यात घेतल्या जातात आणि याउलट गंभीर रूग्ण, ज्यांना प्रत्यक्षात ऑक्सिजन किंवा व्हेंटिलेटरच्या आधाराची आवश्यकता असते, त्यांना बेड मिळत नाहीत.

कंट्रोल रूममधील डॉक्टर हे संबंधीत रूग्णांविषयी सर्व तपशील घेतील,  रुग्णाची ऑक्सिजन पातळी आणि इतर आरोग्य तपासणी करून त्यानंतर रूग्णाला किंवा त्याच्या नातेवाईकांना योग्य माहिती सांगतील. तसेच  नाशिक सिव्हिल हॉस्पिटलमध्ये आणावे किंवा तालुका स्तरावर डीसीएचसीमध्ये दाखल करावे, हे देखील सांगितले जाईल, कारण आता सर्वच डीसीएचसी ऑक्सिजन बेडने सज्ज आहेत.

 नियंत्रण कक्ष सुरू झाला की हेल्पलाइन क्रमांकही तयार करुन नागरिकांना उपलब्ध करुन देण्यात येईल, असेही रावखंडे म्हणाले .