नाशिक – सिन्नर तालुक्यातील जलसंधारण व पाणी योजनांबाबत उपमुख्यमंत्री अजित पवार यांच्या दालनात सोमवारी (१० ऑगस्ट) बैठक आयोजित करण्यात आली आहे. तशी माहिती आमदार माणिकराव कोकाटे यांनी दिली आहे. सिन्नरसाठी महत्त्वाचे असलेले प्रस्तावित अप्पर कडवा धरणातून नियोजित उपसा जल सिंचन योजनांना प्रशासकीय मान्यता देणे, सदरची कामे स्वयंसेवी संस्थांच्या मार्फत राबविणे यासंदर्भात बैठकीत चर्चा होणार असल्याचे कोकाटे यांनी सांगितले आहे.
