नाशिक – सिडको परिसरातील संभाजी स्टेडिअमजवळ एका युवकाचा भर दिवसा खून केल्याची घटना घडली आहे. दुपारी साडेतीन वाजेच्या सुमारास ही घटना घडली असून पोलिसांनी तत्काळ घटनास्थळी धाव घेत तपास सुरू केला आहे. हत्या झालेल्या युवकाचे नाव योगेश तांदळे असे सांगितले जात आहे.
प्राथमिक माहितीनुसार, मुलींची छेड काढल्यामुळे हा खून करण्यात आल्याचे सांगितले जात आहे. घटनास्थळी पोलीस यंत्रणा पोहोचली असून तपासकार्य सुरु केले आहे. आज दुपारी साडेतीनच्या सुमारास शाईन या दुचाकीवर आलेल्या दोघांनी तांदळे याला धारदार शस्राने भोसकून जागीच ठार केले. याप्रकरणी पोलिसांनी संशयितांचा शोध सुरु केला आहे. खून झालेला युवक हा मोरवाडी गावातील असल्याची प्रथमदर्शनी माहिती मिळते आहे.
या घटनेतील आरोपींना पोलिसांनी अवघ्या चार तासात आदित्य दिपक सुतार, रा.सिडको, राहुल वसंत माळोदे रा. पाथर्डी फाटा, इंदिरानगर या दोघांना गजाआड केले आहे.
