नाशिक – ९४ व्या अखिल भारतीय मराठी साहित्य संमेलनाची तारीख जरी पुढे ढकलली आहे तरी तयारीची कामे सुरळीत चालू आहेत. संमेलनाच्या कामाच्या संदर्भातील सशुल्क निविदा अर्ज संमेलनाच्या कार्यालयामध्ये उपलब्ध आहेत. यात १. मंडप / व्यासपीठ / प्रवेशद्वारे / दालने उभारणे २. केटरिंग व भोजन व्यवस्था ३. ध्वनी यंत्रणा, प्रकाश योजना / एल.सी.डी. स्क्रीन व्यवस्था, जनरेटर्स इत्यादी ४. फोटोग्राफी व व्हिडीओ शूटिंग ५. प्रिंटिंग व स्टेशनरी – ओळखपत्रे, बिल्ले, स्मरणिका, लेटर हेड, पाकिटे, सन्मानपत्र वगैरे ६. स्मृतिचिन्हे ७. बॅचेस, सॅनिटरी मफलर्स, मास्क इत्यादी ८. वाहतूक व्यवस्थेसाठी कार्स व बसेस ९. हाऊस किपींग (स्वच्छता व्यवस्था) १०. सुरक्षा व्यवस्थेसाठी सुरक्षा रक्षक. कामाच्या निविदांचा समावेश आहे.
सिलबंद निविदा स्वीकारण्याची अंतिम तारीख ही वाढवून आता १५ मार्च (सायंकाळी ६.०० वाजेपर्यंत) केली आहे. तरी सर्व संबंधितांनी यासाठी संमेलन कार्यालयात त्वरित संपर्क साधावा. अधिक माहितीसाठी ०२५३ २३१५९०५,९४०४९०१६४६, ९४०५५००४६४ किंवा abmss94.nashik@gmail.com वर संपर्क करावा.
