साहित्य संमेलनासाठी प्रतिनिधी नोंदणी सुरु, तीन हजार नोंदणी शुल्क

नाशिक  – अखिल भारतीय मराठी साहित्य संमलेन २६,२७,२८ मार्च,२०२१ असे तीन दिवस अंतरराष्ट्रीय कीर्तीचे शास्त्रज्ञ, मराठी विज्ञान कथा लेखक, पद्मविभूषण डॉ. जयंत नारळीकर यांच्या अध्यक्षतेखाली  गोखले एज्युकेशन सोसायटीच्या आवारात संपन्न होणार आहे. या साहित्य नगरीला “कुसुमाग्रज साहित्य नगरी” असे नाव देण्यात येणार आहे. या संमेलनासाठी उपस्थित राहणाऱ्या साहित्य रसिकांची ऑनलाईन नोंदणी सुरु करण्यात आली आहे. संमेलनासाठी प्रतिनिधी शुल्क रु.३०००/- आकारण्यात येणार असून. बाहेरून येणाऱ्या प्रतिनिधीची निवास, अल्पपोहर, भोजन इत्यादी व्यवस्था संयोजन समितीच्या वतीने करण्यात येणार आहे. प्रतिनिधींनी आपली नोंदणी [email protected] या मेल आयडीवर करावी. तसेच संमेलनाच्या खात्यावरती रु.३०००/- नोंदणी शुल्क जमा करावे. त्यासाठी साहित्य संमेलनाच्या बँके खात्याचा तपशील खालीलप्रमाणे आहे.
94 A B M S S LOKHITWADI MANDAL NASHIK
0770100100000005
The Nashik Merchants Co-op. Bank Ltd.
College Road Branch
IFSC : NMCB0000078
तरी जास्तीतजास्त कवी, लेखक, रसिक व सामाजिक कार्यकर्ते यांनी मोठ्या संख्येने सहभागी व्हावे असे आवाहन स्वागताध्यक्ष ना. छगन भुजबळ, उपाध्यक्ष महापौर सतीश कुलकर्णी,  कार्याध्यक्ष हेमंत टकले, सह कार्याध्यक्ष अॅड. विलास लोणारी, मुकुंद कुलकर्णी, निमंत्रक जयप्रकाश जातेगावकर, कार्यवाह प्रा.डॉ.शंकर बोऱ्हाडे, संजय करंजकर, सुभाष पाटील,सह कार्यवाह किरण समेळ यांनी केले आहे.