नाशिक – नाशिक शहरात होऊ घातलेल्या ९४ व्या साहित्य संमेलनासाठी जी काही मदत लागेल ती करण्यास मी तत्पर असेल अशी ग्वाही नाशिकचे महापौर सतीश कुलकर्णी यांनी दिली. संमेलनाच्या अस्थायी समितीने महापौरांची आज भेट घेतली त्यावेळी महापौर बोलत होते. महापौर सतीश कुलकर्णी हे २० जानेवारी रोजी स्वत: संमेलनस्थळाची पहाणी करणार असून त्यावेळी महापालिकच्या वतीने करण्यात येणाऱ्या उपाययोजनांची माहिती उपस्थित अधिकाऱ्यांना देणार आहेत. महापौरांनी पहाणी केल्यानंतर २१ जानेवारी रोजी गोखले एज्युकेशन सोसायटीच्या इंजिनिअरींग कॉलेजच्या आवारात तयार होत असलेल्या कार्यालयाचे उद्घाटन महापौर सतीश कुलकर्णी यांच्या हस्ते होईल. यानंतर संमेलनाच्या कामाकाजाला या कार्यालयातून सुरुवात होणार आहे. यावेळी ज्येष्ठ नगरसेवक जगदीश पाटील, बापु सोनवणे, यशवंत निकुळे उपस्थित होते. यावेली लोकहितवादी मंडळाचे विश्वस्त दिलीप साळवेकर, रमेश देशमुख, लक्ष्मण सावजी अध्यक्ष जयप्रकाश जातेगावकर, कार्याध्यक्ष मुकुंद कुलकर्णी, सचिव सुभाष पाटील मंडळाचे कार्यकारिणी सदस्य संजय करंजकर,देवदत्त जोशी, चारुदत्त कुलकर्णी यांच्यासह पदाधिकारी उपस्थित होते. यावेळी गुणवंत कामगार प्रशात कापसे, संवादचे अभिमन्यू सूर्यवंशी, प्रा. सोमनाथ मुठाळ यांनी संमेलन संयोजन समितीकडे धनादेश सुपूर्द केले.
साहित्य संमेलनाच्या मदतीसाठी तत्पर – महापौर सतीश कुलकर्णी
