लंडन – आपल्याला जितके सकस आणि चांगले अन्न मिळेल तितके आपले आरोग्य व्यवस्थित राहते. परंतु सध्या धावपळीच्या आयुष्यात प्रोसेस्ड फूड म्हणजे प्रक्रिया केलेले अन्न पदार्थ खाण्याकडे सर्वांचा कल वाढत आहे. मात्र असे अन्न पदार्थ खाल्ल्याने लठ्ठपणासारखे आजार जडले असून त्यामुळे मृत्यूचा धोकाही वाढतो आहे.
एवढा आहे धोका
एका नवीन अभ्यासानुसार असे अन्न आरोग्यासाठी अत्यंत धोकादायक असल्याचे आढळून आले आहे. प्रोसेस्ड फूड म्हणजे प्रक्रिया केलेले अन्न पदार्थ होय. या प्रक्रियेत, सर्व रसायनांच्या वापरामुळे त्याची गुणवत्ता कमी होते. यासंबंधी इटलीमधील भूमध्य न्यूरोलॉजिकल इन्स्टिट्यूटच्या संशोधकांचे म्हणणे आहे की, अल्ट्रा-प्रोसेस्ड फूडचा अत्यधिक सेवन म्हणजेच अत्यंत प्रक्रिया केलेले खाद्य पदार्थ खाल्ल्यामुळे मृत्यूचे प्रमाण २६ टक्क्यांपर्यंत वाढू शकते आणि हृदयरोग होण्याचा धोका ५८ टक्क्यांपर्यंत वाढू शकतो.
पौष्टिक कमतरता
गेल्या काही वर्षांपासून, औद्योगिक प्रक्रियेद्वारे मोठ्या प्रमाणात उत्पादित अन्नाची बाजारपेठांमध्ये वाढ झाली आहे. अशा पदार्थांमध्ये सहसा आवश्यक पौष्टिक पदार्थांचा अभाव असतो. तसेच त्यात साखर, तेल आणि मीठ जास्त असल्याने आपल्या आरोग्यासाठी चांगले नाही.
मृत्यूचा धोका
अमेरिकन जर्नल ऑफ क्लिनिकल न्यूट्रिशनिस्टमध्ये प्रकाशित झालेल्या एका अभ्यासात 22 हजार लोक सहभागी झाले होते. यामध्ये, संशोधकांनी त्यांच्या खाण्याच्या सवयी आणि आठ वर्षांच्या आरोग्याच्या स्थितीचे विश्लेषण केले. या वेळी, संशोधकांना असे आढळले की, ज्यांनी अति प्रमाणात प्रक्रिया केलेले अन्न जास्त प्रमाणात खाल्ले त्यांना मृत्यूचा धोका इतरांपेक्षा जास्त असल्याचे आढळले.
मेंदू, हृदय व रक्तवाहिन्यासंबंधी रोग
एका अभ्यासानुसार असे सूचित केले गेले आहे की, जे लोक प्रक्रिया केलेल्या पदार्थांचे मोठ्या प्रमाणात सेवन करतात, त्यांना हृदय व मेंदूचे विकार होऊ शकतात आणि मृत्यूचा धोका देखील वाढू शकतो. यात सर्वात मोठी भूमिका साखर आहे. हे पदार्थ जितके गोड आहेत, तितके आरोग्यासाठी धोकादायक आहे. कारण अल्ट्रा प्रोसेस्ड फूडमध्ये साखरेचे प्रमाण जास्त असते.
