नाशिक – आज सारथ्य मानसोपचार, पुनर्वसन व व्यसनमुक्ती केंद्राचा तिसरा वर्धापन दिवस साजरा करण्यात आला. कार्यक्रमाचे प्रमुख पाहुणे म्हणून नाशिक सायकीयट्रिक सोसायटीचे अध्यक्ष, जेष्ठ मानसोपचार तज्ञ डॉ. बी. एस. व्ही. प्रसाद उपस्थित होते. त्याचबरोबर सचिव व जेष्ठ मानसोपचार तज्ञ डॉ उमेश नागपूरकर, मानसोपचार तज्ञ डॉ निलेश जेजुरकर यांची देखील विशेष उपस्थिती होती. या निमित्ताने सर्व स्टाफ व रुग्णांनी व्यसनाच्या व मानसिक आजारांच्या समस्येवर एक नाटिका सादर केली. सारथ्यचे संस्थापक डॉ. अनुप भारती यांनी नमूद केले की गेल्या ३ वर्षांमध्ये ३५० हुन अधिक रुग्णांवर ऍडमिट करून उपचार करण्यात आले, त्याचप्रमाणे २००० हून अधिक ECT उपचार देण्यात आले, अनेक रुग्णांसाठी ग्रुप थेरपी,आर्ट थेरपी, म्युसिक थेरपी, योगा, समुपदेशन व रुग्णाच्या नातेवाईकसाठी मार्गदर्शनपर सेशन्स घेण्यात आले. सारथ्यचे संस्थापक डॉ नकुल वंजारी यांनी सारथ्यचा गेल्या ३ वर्षाचा प्रवास, आलेले विविध अनुभव व रुग्ण व्यसनमुक्त झाल्यानंतर किंवा मानसिक आजारातून बरा झाल्यानंतरचे समाधान आपल्या मनोगतातून व्यक्त केले.
डॉ बी. एस. व्ही. प्रसाद यांनी सारथ्यच्या कार्याबद्दल समाधान व्यक्त केले व अशा सर्व सुविधा उपलब्ध असलेल्या मानसिक आरोग्य केंद्राची नाशिक जिल्ह्यातील रुग्णांसाठी आवश्यकता होती असे नमूद केले. संस्थापक मानसोपचार तज्ञ डॉ. स्वाती वंजारी यांनी उपस्थित रुग्ण, नातेवाईक यांना मानसिक आजार व व्यसनमुक्ती संबधी मार्गदर्शन केले. तसेच डॉ. नागापूरकर व डॉ. जेजुरकर यांच्या हस्ते वृक्षारोपण करण्यात आले. केंद्र संचालक डॉ. प्रियांका भारती यांनी आभार प्रदर्शन केले. सारथ्य केंद्रातील सायकॉलॉजिस्ट आकाश गाढे, ह्रषिकेश सपके व सर्व नर्सिंग स्टाफ, सपोर्ट स्टाफ समाधान, राकेश, रुपसिंग, प्रतिमा, अरुणा, कल्पना व गणेश यांनी कार्यक्रमाचे उत्तम नियोजन केले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
