नाशिक – जनता विद्यालय व ज्युनिअर कॉलेज सातपूरमध्ये शिक्षक दिनानिमित्त आदर्श शिक्षक म्हणून माध्यमिक विभागासाठी रायभान दवंगे, उच्च माध्यमिक विभागासाठी एस. व्ही. रायते तर शिक्षकेतर सेवक म्हणून ज्ञानेश्वर जाधव यांना सम्मान चिन्ह, शाल व पुष्पगुच्छ देऊन सन्मानित करण्यात आले.
याप्रसंगी उच्च माध्यमिक शालेय समितीचे अध्यक्ष भास्करराव बंदावणे, महाविद्यालय समितीचे अध्यक्ष सखाराम घाटोळ, अभिनव बाल विकास मंदिर विभाग समितीचे अध्यक्ष शिवाजी मटाले, वरिष्ठ महाविद्यालयाचे प्राचार्य उशीर, विद्यालयाचे प्राचार्य साहेबराव पाटील, मुख्याध्यापिका निलम देशमुख, उपमुख्याध्यापिका उषा कदम, पर्यवेक्षक रमेश तासकर, किशोर जाधव, प्रमोद कांगुणे आदी मान्यवर उपस्थित होते. सूत्रसंचलन सविता ठाकरे यांनी केले. पर्यवेक्षक किशोर जाधव यांनी आभार मानले. याप्रसंगी माध्यमिक व उच्च माध्यमिक विभागातील सर्व शिक्षक- शिक्षकेत्तर कर्मचारी उपस्थित होते.
