सराईताकडून तरूणीस मारहाण
नाशिक : घरात घुसून तोडफोड करीत गुन्हेगाराने एका तरूणीस मारहाण केल्याची घटना केतकीनगर भागात घडली. या घटनेत संशयीताने घरातील वस्तूंची तोडफोड करीत कुटूंबियास जीवे ठार मारण्याची धमकी दिली. याप्रकरणी म्हसरूळ पोलीस ठाण्यात गुन्हा दाखल करण्यात आला आहे. सुरज चारोस्कर असे संशयीताचे नाव असून, तो पोलीस रेकॉर्डवरील गुन्हेगार आहे. याप्रकरणी केतकीनगर भागात राहणा-या महिलेने तक्रार दाखल केली आहे. बुधवारी (दि.१०) महिलेची दोन्ही मुले घरात असतांना संशयीताने शिवीगाळ करीत घरात प्रवेश केला. यावेळी त्याने तरूणीस तु माझा फोन का उचलत नाही या कारणातून तरूणी व तिच्या आई आणि भावास मारहाण करीत घरातील खुर्च्या तसेच वस्तूंची तोडफोड करीत नुकसान केले. तसेच कुटूंबियास तुम्हाला मारूण टाकेन अशी धमकी दिली. अधिक तपास जमादार वाघ करीत आहेत.
…..
जेलरोडला साडे तीन लाखाची घरफोडी
नाशिक : कुटूंबिय बाहेरगावी गेल्याची संधी साधत चोरट्यांनी बंगला फोडून रोकडसह सोन्याचांदीचे दागिणे असा सुमारे ३ लाख ६६ हजाराचा ऐवज लंपास केला. ही घटना लोखंडे मळयातील पारिजातनगर भागात घडली. याप्रकरणी उपनगर पोलीस ठाण्यात घरफोडीचा गुन्हा दाखल करण्यात आला आहे. राहूल जीवन निरभवणे (रा.हिरकणी बंगला,पारिजातनगर) यांनी तक्रार दाखल केली आहे. निरभवणे कुटूंबिय मंगळवारी (दि.९) रात्री देवदर्शनासाठी जेजूरी येथे गेले असता ही घटना घडली. कुटूबिय बाहेरगावी गेल्याची संधी साधत अज्ञात चोरट्यांनी बंद बंगल्याच्या दरवाजाचा कडीकोयंडा तोडून ही घरफोडी केली. घरात शिरलेल्या चोरट्यांनी बेडरूममधील कपाटातून दीड लाखाची रोकड व सोन्याचांदीचे दागिणे असा सुमारे ३ लाख ६६ हजार ५०० रूपये किमतीचा ऐवज चोरून नेला. अधिक तपास सहाय्यक निरीक्षक खडके करीत आहेत.
…….
गुन्हेगारांकडून एकावर चाकू हल्ला
नाशिक : जुन्या वादाची कुरापत काढून पोलीस रेकॉर्डवरील दोघा गुन्हेगारांसह एकाने तरूणावर चाकू हल्ला केल्याची घटना सिडकोतील सावता नगर भागात घडली. या घटनेत तरूण जखमी झाला असून याप्रकरणी अंबड पोलीस ठाण्यात तीन संशयीतांविरोधात गुन्हा दाखल करण्यात आला आहे. ललीत कदम उर्फ चण्या,प्रशिक आढांगळे व देवेंद्र पोळ उर्फ घुम्या (रा.सर्व सिडको) अशी तरूणावर हल्ला करणा-या संशयीतांची नावे आहेत. त्यातील चण्या कदम आणि प्रसिक आढांगळे हे पोलीस रेकॉर्डवरील गुन्हेगार आहेत. याप्रकरणी किरण खंडू देवरे (२७ रा.मोती चौक,दत्तमंदिरजवळ) या युवकाने तक्रार दाखल केली आहे. देवरे बुधवारी (दि.१०) सावतानगर येथील क्रॉम्पटन हॉल भागातून आपल्या घराकडे जात असतांना संशयीतांनी त्यास गाठले. यावेळी त्रिकुटाने मागील भांडणाची कुरापत काढून त्यास शिवीगाळ व लाथाबुक्यांनी मारहाण केली. तर ललीत कदम आणि प्रसिक आढांगळे यांनी जीवे ठार मारण्याची धमकी देत हातातील धारदार चाकूने डोक्यावर डाव्या बरगडीवर वार करून जखमी केल्याचे तक्रारीत म्हटले आहे. अधिक तपास हवालदार चव्हाण करीत आहेत.
……
चेहडी पंपीग येथे महिलेचे मंगळसुत्र खेचले
नाशिक : दुकानातून घराकडे पायी जाणा-या महिलेच्या गळयातील सोन्याचे मंगळसुत्र दुचाकीस्वार भामट्यांनी ओरबाडून नेल्याची घटना चेहडी पंपीग येथील विजयनगर कॉलनी रोड भागात घडली. याप्रकरणी नाशिकरोड पोलीस ठाण्यात जबरीचोरीचा गुन्हा दाखल करण्यात आला आहे. अर्चना विजय भामरे (रा. हनुमान मंदिरा समोर,चेहडी पंपीग) यांनी याप्रकरणी तक्रार दाखल केली आहे. भामरे गुरूवारी (दि.११) रात्री दुकानातून आपल्या घराकडे पायी जात असतांना ही घटना घडली. बाळू केदारे यांच्या घरासमोर पाठीमागून आलेल्या दुचाकीस्वारांपैकी एकाने त्यांच्या गळयातील सुमारे ३० हजार रूपये किमतीचे मंगळसुत्र ओरबाडून नेले. अधिक तपास जमादार कंडारे करीत आहेत.
…….
महालक्ष्मीनगरला तरूणाची आत्महत्या
नाशिक : औद्योगीक वसाहतीतील डीजीपीनगर रोड भागातील महालक्ष्मीनगर येथील २७ वर्षीय तरूणाने आपल्या राहत्या घरात गळफास लावून घेत आत्महत्या केली. सदर तरूणाच्या आत्महत्येचे कारण समजू शकले नाही. याप्रकरणी अंबड पोलीस ठाण्यात मृत्युची नोंद करण्यात आली आहे. कृष्णा रामानंद आढाळकर (२७ रा.रूचीत रो हाऊस,प्रणव स्टँम्पिंग कंपनी समोर) असे आत्महत्या करणा-या युवकाचे नाव आहे. अढाळकर याने गुरूवारी (दि.११) दुपारच्या सुमारास अज्ञात कारणातून आपल्या राहत्या घरात गळफास लावून आत्महत्या केली. याबाबत राहूल पाटील यांनी खबर दिल्याने पोलीस दप्तरी मृत्युची नोंद करण्यात आली असून अधिक तपास हवालदार राऊत करीत आहेत.
…
