नाशिक – पीपल्स बँकेचे संस्थापक संचालक अरविंद उर्फ अण्णासाहेब बेळे (वय ८९) यांचे शुक्रवारी दुपारी निधन झाले. नाशिक एज्युकेशन सोसायटीचे ते संचालक होते. तसेच, सार्वजनिक वाचनालयात त्यांनी २५ वर्ष विविध पदे भूषवली. सामाजिक कार्यात सतत अग्रेसर असलेले, सरकार वाडा येथून सार्वजनिक वाचनालय आत्ताच्या वास्तूंमध्ये नेण्यामध्ये त्यांनी महत्त्वाचे योगदान दिले. पुरातन सरकार वाड्याचे जतन करण्याकरता शासन दरबारी सातत्याने पाठपुरावा करून त्यांनी सरकार वाड्यला पूर्वीचे रूप प्राप्त करण्याकरता अथक प्रयत्न केले. त्यांच्या पश्चात मुलगा, सून, नातवंडे, पतवंडे तसेच मुलगी, जावई व पुतणे असा परिवार आहे.
‘सरकारवाड्या’साठी झटणारे अरविंद बेळे यांचे निधन
