नवी दिल्ली – गायक व डान्सर सपना चौधरी नेहमीच चर्चेत असते. डिलिव्हरीनंतर नुकत्याच झालेल्या करवा चौथच्या दिवशी तिने पती वीर साहू सोबतचे फोटो शेअर केले. हे फोटो फॅन्सच्या पसंतीला उतरले होते.
आई झाल्यानंतर सपनाने लेटेस्ट फोटो शूटचे फोटो इंस्टाग्राम अकाऊंटवरून शेअर केले. हे फोटो सध्या नेटवर व्हायरल होत असून हे फोटो पाहून तिचे चाहते खुश झाले आहेत. यात सपनाने पांढऱ्या रंगाची शर्ट, पॅन्ट घातली असून हिरव्या रंगाची स्पार्कल लिपस्टिक लावली आहे. सपनाचा हा वेगळा लूक तिच्या चाहत्यांसह सर्वांनाच भावला आहे. त्यामुळे या फोटोंवर अनेक कॉमेंट्सही येत आहेत.
यावर्षीच्या सुरुवातीलाच सपनाने हरयाणातील गायक, लेखक वीर साहू यांच्याशी विवाह केला होता. विशेष म्हणजे, सपनाच्या डिलिव्हरीनंतरच त्यांची लग्नाची बातमी कळली. त्यामुळे ते दोघे सोशल मीडियावर ट्रोल झाले. त्यावर या दोघांनीही लोकांना व्यवस्थित उत्तर दिले होते.
