सटाणा – सटाणा – डांगसौंदाणे ररस्त्यावरील डांगसौदाणे शिवारातील दिगंबर धर्मा बोरसे यांचा सात एकर तर वंदना साहेबराव काकुळते यांचा दोन एकर ऊस जळुन ख़ाक झाला आहे. वीजवितरणच्या गलथान कारभारामुळे या दोघा शेतकऱ्यांचे दहा लाखांपेक्षा अधिक नुकसान झाले आहे.
याबाबत सविस्तर वृत्त असे की,सटाणा -डांगसौंदानणे रस्त्यावर एस्सार पेट्रोल पंपाच्या समोर दिगंबर बोरसे यांचे व त्यांच्या कुटुंबियाच्या नावे असलेले बागायती क्षेत्र आहे. या क्षेत्रापैकी अनुक्रमे दिगंबर बोरसे यांच्या नावावरील एक हेक्टर पत्नीच्या नावे असलेले ८६ आर क्षेत्र तर मुलगा योगेश यांच्या नावे एक हेक्टर क्षेत्र आहे. या संपूर्ण क्षेत्रात बोरसे यांनी आडसाली उसाची लागवड केली असून आता थोड्याच् दिवसात कारखान्याच्या गाळपास जाणारा हा ऊस आजच्या आगीत संपूर्णपणे जळून ख़ाक झाला आहे. तर या उसाला केलेले ठिबक सिंचन ही संपूर्णपणे जळाले आहे. याच क्षेत्राला लगत असलेला वंदना काकुळते यांचा ही दोन एकर उस जळाल्याने त्यांचेही चार लाखांचे नुकसान झाले आहे. या ऊसाबरोबर नेटाफेम कंपनीचे ठिबक सिंचन ही संपूर्ण पणे जळाले आहे. बोरसे यांच्या शेतात वीजवितरणच्या तारांचे मोठे जाळे आहे. या तारा पूर्ण पणे लोंबकळल्याने बोरसे यांनी वीजवितरणच्या स्थानिक कर्मचारी अणि अधिका-यांना याची कल्पना ही दिली होती. मात्र नेहमीच्या सवयींप्रमाणे स्थानिक अधिकाऱ्याने दुर्लक्ष केल्याने आजचे नुकसान घडून आले आहे. याबाबत शेतक-यामधून या घटनेचा संताप व्यक्त केला जात असुन असंख्य शेतकऱ्यांच्या तक्रारी असतांना कुठल्याही शेतकऱ्यांची दखल या अधिकाऱ्याकडून घेतली जातनसल्याने वीजवितरणच्या अधिकारी कर्मचारी बद्दल मोठ्या प्रमाणावर नाराजी व्यक्त केली जात आहे. आज शेतपिकांचे लाखो रुपयांचे नुकसान झाले आहे उद्या कोणाचा जिव गेल्यास याला जबाबदार कोण ? असा संतप्त सवाल शेतकरी वर्गाकडून व्यक्त केला जात आहे. या नुकसानीची पाहणी वीजवितरणच्या स्थानिक अधिकारी कर्मचारी यांनी केली असुन स्थानिक तलाठी आतिश कापड़णीस यांनी महसूल विभागाच्या वरिष्ठाना माहिती देत पंचनामा केला आहे.
नुकसाना भरपाई मिळावी
माझे आज दहहा लाखांचे नुकसान झाले कारखान्याच्या गाळप हंगाम सुरु होताच हा ऊस कारखान्याल गाळपसाठी जाण्यासाठी सज्ज असताना आज आगीच्या भक्ष्यस्थानी पडला विजवितरण कड़े वेळोवेळी तक्रार केली होती मात्र तक्रारीची दखल।घेतली गेली नसल्याने आज मोठे नुकसान झाले, माझी नुक़सान भरपाई मिळावी
दिगंबर बोरसे ,शेतकरी
