सटाणा अपघात- सदोष मनुष्यवधाचा गुन्हा दाखल करा; सुरेश धस यांची मागणी

ऊसतोड मजूर व मुकादम यांच्या समस्या जाणून घेण्यासाठी व कारखानदार/शासनाकडून न्याय मिळवून देण्यासाठी ऊसतोड कामगार संघटनेचे नेते असलेल्या धस यांच्या उपस्थितीत येथील विद्यानंद हायस्कूलमध्ये विशेष चर्चासत्राचे आयोजन करण्यात आले. पंडीत दीनदयाल उपाध्याय आणि स्व. गोपीनाथ मुंडे यांच्या प्रतिमेचे पुजन यावेळी करण्यात आले. अध्यक्षस्थानी जिल्हाध्यक्ष नारायण पाटील होते. प्रमुख पाहूणे म्हणून अॅड संभाजीराव पगारे, उपाध्यक्ष प्रदीप कोठावदे, सरचिटणीस शैलेंद्र आजगे, महिला मोर्चा जिल्हाध्यक्ष सविता पगारे, जि. प. सदस्य खंडू कुवर, उसतोड कामगार संघटनेचे विष्णुपंत जायभये, सुरेश वणवे, मंडलाध्यक्ष मोहन सुर्यवंशी आदी मान्यवर व्यासपीठावर उपस्थित होते.   पिंपळनेर, सामोडे, म्हसदी, शेणपूर, चिकसे, पश्चिम साक्री तालुक्यातील उसतोड मुकादम व मजूर यावेळी उपस्थित होते. त्यांच्याशी चर्चा करतांना धस यांनी उसतोड कामगारांच्या अनेक संवेदनशील प्रश्नांना हात घातला.