नवी दिल्ली – चित्रपटाच्या चित्रीकरणादरम्यान अनेक नायक – नायिका परस्परांच्या प्रेमात पडतात. पुढचे काही महिने या प्रेमात जातात, पण त्यानंतर पुढे त्यांचे लग्न होताना दिसत नाही. बॉलीवूडमधील अशाच या काही जोड्या आम्ही तुम्हाला सांगणार आहोत.
अक्षय कुमार – शिल्पा शेट्टी
अभिनेता अक्षय कुमारचे नाव अनेक नट्यांशी जोडले गेले. आपल्यासोबत काम करणाऱ्या अभिनेत्रीला तो प्रपोज करायचे, असे बोलले जाते. ‘मैं खिलाडी तू अनाडी’ या चित्रपटाच्या शुटिंगदरम्यान अक्षय आणि शिल्पा शेट्टी एकमेकांच्या प्रेमात पडले. पण, हे नाते फार काळ टिकले नाही. अक्षय कुमारने ट्विंकल खन्नाशी लग्न केले तर शिल्पा शेट्टीने राज कुंद्राशी.
सलमान खान – ऐश्वर्या रॉय
या दोघांची प्रेमकहाणी खूप प्रसिद्ध आहे. 1998 मध्ये आलेल्या ‘हम दिल दे चुके सनम’ या चित्रपटाच्यावेळी हे दोघेही प्रेमात पडले. जवळजवळ दोन वर्षे ते एकत्र होते. पण त्यानंतर ते वेगळे झाले. ऐश्वर्याने अभिषेक बच्चनशी लग्न केले, तर सलमान खान अजूनही अविवाहित आहे.
अजय देवगण – करिष्मा कपूर
अजय देवगण आणि रवीना टंडन यांच्या प्रेमकहाणीची चांगली चर्चा होती. पण ‘जिगर’ चित्रपटात अजय देवगणसोबत करिष्मा कपूर होती. आणि तेंव्हापासून त्यांच्या दोघांची चर्चा सुरू झाली.
संजय दत्त – माधुरी दीक्षित
ही जोडी देखील बराच काळ चर्चेत होती. ‘ठाणेदार’ चित्रपटाच्या सेटवरच यांची प्रेमकहाणी फुलली. पण त्यानंतर 1993 मध्ये मुंबई बॉम्बस्फोट प्रकरणात संजय दत्तचे नाव आल्यानंतर माधुरीने त्याच्याशी संबंध ठेवला नाही.
साजिद नाडीयादवाला – तब्बू
‘जीत’ चित्रपटाच्या शुटिंगदरम्यान या दिग्दर्शक – अभिनेत्रीच्या प्रेमाला सुरुवात झाली. पण तब्बूच्या आयुष्यात दाक्षिणात्य सुपरस्टार नागार्जुन आल्यानंतर हे नाते विस्कटले.
