शिरूर व न्हावरे येथे कोविड आरोग्य केंद्र सुरू करा

कामगार व राज्य उत्पादन शुल्क मंत्री दिलीप वळसे-पाटील यांनी आज शिरूर तालुक्यातील कोरोना प्रतिबंधात्मक उपाययोजनाचा आढावा घेतला. कोरोना प्रतिबंधात्मक उपाययोजनांना गती देण्यासोबतच ७०० बेडच्या कोविड केअर सेंटरची उभारणी तसेच  शिरूर व न्हावरे येथील ग्रामीण रुग्णालयात समर्पित कोविड आरोग्य केंद्र येत्या पाच दिवसात सुरू करण्यात येणार असल्याचा निर्णय घेण्यात आला. सोबतच कोविड केअर सेंटर व आवश्यक तिथे खाजगी वैद्यकीय व्यावसायिकांची सेवा घेण्यात येणार असून इंडियन मेडीकल असोसिएशनच्या सदस्यांनी यासाठी सेवा देणार असल्याचे सांगितले. याशिवाय शिरूर तालुक्यासाठी दोन हजार अँटीजेन कीट उपलब्ध करून देण्यात येणार असल्याचा निर्णयही या बैठकीत घेण्यात आला.