पिंपळगाव बसवंत, ता. निफाड – अंबिकानगर परिसरातील शिंदे पिता-पुत्राची हत्या प्रकरणाची सखोल चौकशी करावी, या मागणीचे निवेदन पिंपळगाव बसवंत शिवसेनेच्या वतीने पोलिसांना देण्यात आले.
निवेदनात म्हटले आहे की, येथील अंबिकानगर परिसरातील देवीचा माथा येथे राहणार्या शिंदे पिता-पुत्राची हत्या करण्यात आली. सदर प्रकार हा अत्यंत संतापजनक आहे. शिवाय गुंड प्रवृत्ती मोठ्या प्रमाणात वाढत असल्याचे यातून सिद्ध होते. त्यामुळे या हत्याप्रकरणी सखोल चौकशी करण्याबरोबरच गुन्हेगारीला आळा घालण्याची मागणी यावेळी करण्यात आली. यावेळी पोलीस निरीक्षक संजय महाजन, सहाय्यक पोलीस उपनिरिक्षक कुणाल सपकाळे यांनी निवेदन स्वीकारले.
यावेळी पिंपळगाव बसवंतचे माजी सरपंच भास्कर बनकर, शिवसेना उपजिल्हा प्रमुख (ग्रामीण) निलेश पाटील, सुजित मोरे, पंचायत समिती सदस्य राजेश पाटील, ग्रामपंचायत सदस्य किरण लभडे, आशिष बागुल, नितीन बनकर, निलेश मोरे, बाळासाहेब दुसाने, बाळासाहेब आंबेकर, संदीप भवर, सत्यजित मोरे आदी उपस्थित होते.
—
पिंपळगाव बसवंत शहरात गुन्हेगारी फोफावत चालली आहे. अवैध धंदे देखील वाढत आहे. यावर पोलिसांनी अंकूश ठेवावा.
– भास्कर बनकर, माजी सरपंच, पिंपळगाव बसवंत
—
रवी मोरेला शहीदाचा दर्जा द्यावा
गणेश विसर्जन करताना दोन कर्मचार्यांना वाचविताना ग्रामपालिका कर्मचारी रवींद्र मोरे मोरे याचा कादवा नदीत बुडून मृत्यू झाला. त्यामुळे मोरे यास शहीदाचा दर्जा द्यावा, अशी मागणी यावेळी भास्कर बनकर यांनी केली.
