मुंबई – अभिनेता शाहरुख खान याच्या फर्मच्या मालकीची आयपीएल मध्ये कोलकाता नाईट रायडर्स नावाची एक टीम आहे हे आपल्याला माहीती आहेच. परंतु, तुम्ही शाहरुखचे फॕन असाल तर तुमच्या साठी आणखी नविन माहिती अशी आहे की, आयपीएल खेरीज शाहरुखकडे वेस्ट इंडीज बेटावर होणा-या कॕरेबियन प्रिमीअम लीग (सीपीएल) मधील ट्रिन्बागो नाईट रायडर्स या टीमची देखील मालकी आहे. हे कमी आहे की काय? परंतु, आता थेट अमेरिकेत आयपीएलच्या धर्तीवर सन २०२२ पासून ‘मेजर प्रिमीअर लीग’ या नावाने क्रिकेट स्पर्धेच्या आयोजनाचा घाट घालण्यात येणार आहे व त्यात शाहरुखच्या कंपनीने लाॕस एजेंलीस नाईट रायडर्स या तिस-या टीमची देखील मालकी स्विकारली आहे. न्युयाॕर्क, सॕन फ्रान्सिस्को, शिकागो आणि वाॕशिंग्टन हे इतर क्रिकेट संघ या लिगमध्ये सहभागी होतील. इतकेच नव्हे तर या बाजीगरची कंपनी या स्पर्धेतील फ्रॕचायझींसाठी स्टेडीअम उभारण्याच्या प्रक्रियेची देखील जबाबदारी उचलणार आहे.
