नवी दिल्ली – पाकिस्तानी अग्निबाण आणि बॉम्ब गोळे यांच्या वर्षावामुळे किर्नी सेक्टरमधील बंद असलेली शाळा आता खुल्या जागेवर विद्यार्थ्यांचे वर्ग घेत आहे. नियंत्रण रेषेचे शेवटचे गाव कीर्नी असून या ठिकाणी शाळेसमोर पाकिस्तानी लष्कराच्या चौक्या आहेत. आता या बाजूला शिक्षक फळ्यावर मुलांना निर्भिडपणे शिकवत आहेत. कारण भारत आणि पाकिस्तान लष्कर यांच्यात झालेल्या युद्धबंदी कराराने अचानक वातावरण पूर्णपणे बदलले आहे.
शाळेतील शिक्षकांना अद्याप खात्री नाही की, मुलांची उपस्थिती पूर्ण होईल, कारण गोळीबाराचा सतत परिणाम होत असलेल्या या शाळेत ९५ विद्यार्थी उपस्थित होते. भितीमुळे सुरुवातीला वर्गांवर कडक निर्बंध असून सामान्यत: मुलांना शाळेच्या खोल्यांमध्ये कैद केले जात असे, मात्र बचाव मोहीम राबवावी लागल्यावर मुलांची संख्या केवळ पंधरा ते वीसपर्यंत पोहोचू शकली. अनेक वेळा शाळा बंद ठेवणे योग्य असे.
शिक्षकांनी सांगितले की, भारत आणि पाकिस्तान यांच्यात करार झाला असून हे आजूबाजूच्या लोकांना समजले. तेव्हापासून मुले पुन्हा शाळेत येऊन अभ्यासाला लागली आहेत. बहुतेक मुले शाळेच्या वेळेआधीच पोचत आहेत. यापूर्वी गोळीबार होण्याची भीती होती. त्यामुळे मुलांना घरीच राहावे लागले. आता शांततेचे वातावरण कायम राहील, इतकी परिस्थिती बदलली आहे, तरीही थोडी भिती आहेच.
