नाशिक – अंबड परिसरातील शांती नगर झोपडपट्टी जवळील डोंगराला आग लागल्याची दुर्घटना शनिवारी सायंकाळच्या सुमारास घडली आहे. अज्ञात व्यक्तीने सिगारेट किंवा विडीचे थोटके टाकल्याने ही आग पसरल्याचे सांगितले जात आहे. दरम्यान, आगीवर नियंत्रण मिळविण्यात वन विभागाला यश आले आहे.
वनविभाग आणि महापालिका अग्निशमन विभागाने दिलेल्या माहितीनुसार, अंबड औद्योगिक परिसरातील शांती नगर झोपडपट्टीच्या पाठीमागे असलेल्या डोंगराला शनिवारी सायंकाळी अचानक आग लागल्याने वन विभाग व अग्निशमन दलाची चांगलीच धावपळ उडाली.
