नाशिक : शहरात आत्महत्येचे सत्र सुरूच असून बुधवारी (दि.३०) वेगवेगळया भागात राहणा-या दोन तरूणींनी आत्महत्या केली. दोन्ही तरूणींच्या आत्महत्याचे कारण समजू शकले नाही. याप्रकरणी अंबड आणि आडगाव पोलीस ठाण्यात मृत्युची नोंद करण्यात आली आहे. लेखानगर झोपडपट्टीत राहणा-या ज्योती गणेश गायकवाड (२०) या युवतीने बुधवारी सकाळच्या सुमारास अज्ञात कारणातून आपल्या राहत्या घरात छताच्या लोखंडी पाईपाला साडी बांधून गळफास लावून घेतला होता. त्यात तिचा मृत्यु झाला. याप्रकरणी बाळू दांडेकर यांनी दिलेल्या खबरीवरून अंबड पोलीस ठाण्यात मृत्युची नोंद करण्यात आली असून अधिक तपास जमादार शेळके करीत आहेत. दुसरी घटना माडसांगवी शिवारातील म्हसोबावाडी येथे घडली. माडसांगवी येथील सुनिता सुरेश दिवे (१७) या युवतीने बुधवारी सकाळी म्हसोबावाडी येथील बांबुच्या झाडी जवळील बांदावर असलेल्या करंजीच्या झाडाला डोक्यास बांधण्याचा स्टोल बांधून गळफास लावून घेतला होता. ही बाब शेतमालक ज्ञानेश्वर पेखळे यांच्या निदर्शनास येताचे त्यांनी तात्काळ युवतीस सिध्दीविनायक हॉस्पिटल येथे दाखल केले असता वैद्यकीय सुत्रांनी तिला मृत घोषीत केले. सदर तरूणीच्या आत्महत्येचे कारण समजू शकले नाही. याप्रकरणी मदन दिवे यांनी दिलेल्या खबरीवरून आडगाव पोलीस ठाण्यात मृत्युची नोंद करण्यात आली असून अधिक तपास हवालदार कहांडळ करीत आहेत.
………
आत्महत्येचे सत्र सुरूच; वेगवेगळ्या भागात राहणा-या दोन तरूणींची आत्महत्या
