इंस्टाग्राम लाईव्ह सुरू केले की सलग फक्त एक तास करता यायचे. आता आजपासून ही मर्यादा इंस्टाग्रामने चार तासापर्यंत वाढवली आहे. म्हणजे तुम्ही एकदा लाईव्ह कॉल सुरू केलात की तो मध्ये खंडित न होता थेट चार तास चालू राहू शकतो. लॉकडाऊनच्या काळात कलाकार, शिक्षक, योगकेंद्र पासून कार्यालयीन कामसापर्यंत सर्वांनीच ‘लाईव्ह स्ट्रीमिंग ‘चा फायदा घेतला .अमेरिकेत कोरोनाच्या काळामध्ये लाईव्ह स्ट्रीमिंग च्या वापरात ७० टक्के वाढ झाली. जगभरात साधारण हाच ट्रेंड आहे.
खास इंस्टाग्रामवर प्रेम करणाऱ्या लोकांनी एका तासाची मर्यादा उठवावी अशी मागणी केली होती. सध्या मोबाईलवरून फेसबुक लाईव्ह केल्यास ते चार तास करता येते, डेस्कटॉप कॉम्प्युटरवरुन केल्यास ही मर्यादा आठ तास आहे आणि इंस्टाग्राम मात्र एक तास हा ‘अन्याय’ इंस्टाग्रामने आता दूर केला आहे.
इंस्टाग्रामने आणखी एक खुशखबर दिली आहे. लवकरच ते लोकांनी केलेले ‘लाईव्ह स्ट्रीमिंग ‘ archieve करण्याची सुविधा उपलब्ध करून देणार आहेत. ३० दिवसापर्यंत तुम्हाला हे लाईव्ह स्ट्रीमिंग पाहता येईल अशी त्यात सोय आहे. मात्र हे प्रत्यक्षात यायला काही दिवस थांबावे लागेल. हरकत नाही, सगळे एका दमात नको!
(ज्येष्ठ पत्रकार अशोक पानवलकर यांच्या तरंग या ब्लॉगवरुन साभार)
