मुंबई – कोट्यवधी चाहत्यांची सर्वात लोकप्रिय जोडी असलेल्या विरानुष्काने मोठी बातमी आज शेअर केली आहे. अनुष्काने शर्मा आणि विराट कोहली यांच्यात नवा पाहुणा येणार असल्याची माहिती दोघांनी ट्विटरद्वारे दिली आहे. जानेवारी २०२१ मध्ये त्यांच्या घरी नवा पाहुणा येणार असल्याचे दोघांनी स्पष्ट केले आहे.
११ डिसेंबर २०१७ रोजी इटली येथे दोघेही विवाहबद्ध झाले होते. नव्या येणाऱ्या पाहुण्यासाठी अनुष्का आणि विराट सोबत आता चाहते देखील उत्सुक आहेत. अनुष्का आणि विराट आई-बाबा होणार असून स्वत: विराट कोहली आणि अनुष्का शर्माने फेसबुक, इन्स्टाग्राम आणि ट्विटरवर पोस्ट करुन आपल्या चाहत्यांना ही गूड न्यूज दिली आहे. सोबतच दोघांचा फोटोही शेअर केला आहे, ज्यात अनुष्का गरोदर असल्याचं स्पष्ट दिसत आहे.
