नवी दिल्ली – क्रिकेट खेळण्याचा अंदाज, त्यातील सातत्य तसेच अनोख्या स्टाईलमुळे टिम इंडियाचा कर्णधार विराट कोहली नेहमी चर्चेत असतो. क्रिकेट मैदानावर आजवर त्याने अनेक रेकॉर्ड्स केले आहेत. त्यामुळेच त्याची लोकप्रियता जगभरात झाली आहे. मैदानातील विक्रमांसह आता त्याने सोशल मीडियावर देखील एक नवा विक्रम केला आहे.
विराट कोहलीचे इन्स्टाग्रामवर १०० मिलियन फॉलोअर्स झाले आहे. मिलियन फॉलोअर्सचे शतक असणारा विराट जगातील पहिला क्रिकेटपटू ठरला आहे. विराट कोहली इन्स्टाग्रामवर नेहमी अॅक्टिव्ह असतो. या ठिकाणी तो अनेक व्हिडीओज, विविध फोटो शेअर करत असतो. विराट हा जगातला एकमेव क्रिकेटर आहे ज्याचे इंस्टावर १०० मिलियन फॉलोअर्स आहेत. कोहलीच्या या यशाबद्दल इंटरनॅशनल क्रिकेट कौन्सिलने देखील शुभेच्छा दिल्या आहेत.
विराटसह द रॉक ड्वेन जॉनसन, फुटबॉलर क्रिस्टियानो रोनाल्डो, नेमार, लियोनेल मेसी या क्लबमध्ये आहे. तसेच सेलिब्रिटींमध्ये बेयॉन्से आणि एरियाना ग्रॅंड या क्लबमध्ये आहेत. या खेळाडूंच्या यादीमध्ये विराट चौथ्या क्रमांकावर आहे. तर पोर्तुगालचा फुटबॉलपटू क्रिस्टियानो रोनाल्डो नंबर एक वर अर्जेंटिनाचा लिओनेल मेस्सी दुसर्‍या क्रमांकावर आणि ब्राझीलचा नेमार तिसर्‍या स्थानावर आहे.
विराट कोहलीला इन्स्टाग्रामवरील एका पोस्टसाठी भरपूर रक्कम देखील मिळते, इन्स्टाग्रामकडून सर्वाधिक कमाई करणाऱ्या खेळाडूंमध्ये देखील विराटचे नाव वरच्या क्रमांकावर आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
