पुणे – पुणे पदवीधर मतदारसंघात महाविकास आघाडीचे उमेदवार अरुण लाड यांनी विजय मिळविला आहे. त्यांनी भाजपच्या संग्राम देशमुख यांचा पराभव केला आहे. रात्री उसीरापर्यंत मतमोजणी सुरू होती. लाड यांनी पसंतीचा कोटा पहिल्या फेरीतच पूर्ण केल्याने त्यांचा विजय जवळपास निश्चित झाला होता. अखेर पहाटेच्या सुमारास त्यांच्या विजयावर शिक्कामोर्तब करण्यात आले. विजयी प्रमाणपत्र घेतल्यानंतर लाड हे राष्ट्रवादी काँग्रेसचे अध्यक्ष शरद पवार यांच्या भेटीसाठी जाणार आहेत.
