विधान परिषद निकाल – नागपूरला काँग्रेसचे अभिजित वंजारी विजयी

नागपूर – विधानपरिषदेच्या नागपूर पदवीधर मतदारसंघाच्या निवडणुकीत काँग्रेसचे अभिजित वंजारी हे विजयी झाले आहेत. विधानसभेतील विरोधी पक्ष नेते देवेंद्र फडणवीस यांच्या बालेकिल्ल्यात महाविकास आघाडीचा उमेदवार निवडून आल्याने भाजपच्या गोटात शांतता आहे. वंजारी यांनी पहिल्या फेरीपासूनच आघाडी घेतली होती. वंजारी यांनी भाजपचे संदीप जोशी यांचा पराभव केला आहे. थोड्याच वेळात वंजारी यांना विजयाचे प्रमाणपत्र दिले जाणार आहे.