औरंगाबाद – मराठवाडा पदवीधर मतदारसंघाच्या निवडणुकीत महाविकास आघाडीचे उमेदवार सतीश चव्हाण यांनी विजय मिळविला आहे. या विजयामुळे त्यांनी हॅटट्रिक केली आहे. त्यामुळे सलग तिसऱ्यांदा ते विधानपरिषदेत जाणार आहेत. पहिल्या फेरीपासूनच चव्हाण यांनी आघाडी घेतली होती. ती शेवटपर्यंत कायम ठेवल्याने त्यांचा विजय झाला. सतीश चव्हाण यांना एकूण १ लाख १६ हजार ६३८ मते मिळाली. त्यांनी भाजपचे उमेदवार शिरीष बोराळकर यांचा पराभव केला. बोराळकर यांना केवळ ५८ हजार ७४३ मते मिळाली.
