नाशिकमधील पहिला औद्योगिक पुरस्कार
नाशिक – एबीबी इंडियाच्या नाशिकमधील स्मार्ट फॅक्टरीला इंडियन ग्रीन बिल्डिंग कौन्सिलद्वारे उत्कृष्ट इमारत प्रमाणपत्र देवून गौरवण्यात आले. टिकाऊपणा आणि कार्यक्षमतेसाठी एबीबी इंडियाला भारतातील पर्यावरणास अनुकूल असलेल्या नाशिक स्मार्ट कारखान्यासंदर्भात ग्रीन बिल्डिंग कौन्सिलने (आयजीबीसी) सुवर्ण प्रमाणपत्रासह मान्यता दिली आहे. एबीबी इंडिया ही कंपनी नाशिकच्या औद्योगिक क्षेत्रात ग्रीन बिल्डिंग म्हणून प्रमाणित होणारी पहिली कंपनी ठरली आहे.
आयजीबीसी ग्रीन फॅक्टरी बिल्डिंग्ज हा औद्योगिक क्षेत्रात विकसित केलेला पहिला रेटिंग प्रोग्राम आहे. जागतिक स्तरावर स्विकारल्या जाणाऱ्या उर्जा आणि पर्यावरण या तत्त्वांवर आधारित आहे. घरातील सौर पॅनेल बसविणे, उर्जा कार्यक्षमता सुधारणे प्रकल्प आणि वृक्षारोपण मोहिमेद्वारे कार्बनचा साठा कमी करण्यासाठी एबीबी इंडियाने आपल्या सुविधेत विविध उपक्रम घेतले. याव्यतिरिक्त एकल वापरल्या जाणार्‍या प्लास्टिकचा वापर कमी करण्यासाठी कचरा व्यवस्थापनाचे विविध उपक्रमदेखील हाती घेतले आहेत. कारखान्याने रेन वॉटर हार्वेस्टिंगद्वारे दररोज पावसाच्या पाण्याची बचत होते आणि घरातील पाण्याचा वापर ४७.८ टक्क्यांनी कमी होतो. या सुविधेने दरवर्षी ९५.३० टक्के ऊर्जेची बचत होते व कार्बनच्या उत्सर्जनाचे प्रमाण कमी झाले आहे. याशिवाय नैसर्गिक प्रकाश व कार्यक्षम वेंटिलेशन सिस्टमचा वापर, छतावरील उष्णता बेटांचा प्रभाव, सांडपाणी प्रक्रिया यासारखे निरनिराळे उपक्रम राबवले जातात. नाशिकच्या औद्योगिक क्षेत्रात पहिल्यांदा इंडियन ग्रीन बिल्डिंग कौन्सिलद्वारे उत्कृष्ट कामगिरीसाठी एबीबीला गौरवण्यात आले आहे.
—
शाश्वत पद्धतीमध्ये काम करत असतांना आयजीबीसीने मान्यता दिली हा अभिमानाचा क्षण आहे. मूलभूत सुविधा, वाहतुकीसाठी सुरक्षित, स्मार्ट आणि टिकाऊ विद्युतीकरण याकडे सध्या कार्यरत आहोत. पर्यावरणावरणास पूरक परंतु परिणामकारक उपाय वापरून कमीतकमी कार्बनचे उत्सर्जन करण्याकडे प्रयत्नशील आहोत. अधिक टिकाऊ सक्षम करण्याच्या नाशिक औद्योगिक क्षेत्रातील इतर सुविधांना प्रेरणा देण्याचे काम करण्याचा मास आहे.
– गणेश कोठावदे, वरिष्ठ उपाध्यक्ष, वितरण सोल्यूशन्स विभाग, एबीबी इंडिया लि.
