नाशिक – नाशिक कृषी उत्पन्न बाजार समितीचे सभापती संपत सकाळे यांनी त्यांच्या पदाचा राजीनामा दिल्याने सभापती निवडीसाठीची विशेष सभा येत्या २८ ऑगस्टला होणार आहे. सभापतीपदासाठी माजी खासदार देविदास पिंगळे, विश्वास नागरे आणि दिलीप थेटे यांची नावे चर्चेत आहेत.
सकाळे त्यांच्याविरोधात सर्व संचालक एकवटले होते. गेल्या काही दिवसांपासून अनेक घडामोडी घडत होत्या. सकाळे हे मनमानी कारभार करीत आहेत. ठराव बदलून घेत आहेत. संचालकांना विश्वासात घेत नाहीत, असे अनेक आरोप त्यांच्यावर केले जात होते. सकाळे यांच्यावर अविश्वास ठराव येण्याची चिन्हे होती. त्यापूर्वीच त्यांनी सभापतीपदाचा राजीनामा दिला. त्यानंतर आता जिल्हा उपनिबंधकांच्या अध्यक्षतेखाली सभापतीपदाची निवडणूक प्रक्रिया राबविली जाणार आहे.
