नाशिक – ‘गाडी हळू चालवा’ असे सांगितल्याचा राग आल्याने दोघा जणांनी एकास शिवीगाळ व मारहाण केली. याप्रकरणी श्याम आनंदा सानप (रा. चिंचबन, रामवाडी) याने गंगापूर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, शुक्रवारी (दि. २५) सकाळी नऊ वाजेच्या सुमारास फिर्यादी श्याम हा मोटारसायकल (क्र. एमएच १५ एचडी ०६७४) वरून महात्मा नगरकडून पंचवटीकडे जात होता. मॉडेल चौक, कॉलेजरोड परिसरात आला असता अ‍ॅक्टीव्हा (क्र. एमएच १५ एफआर ७२९९) वरून येणाऱ्या दोन जणांनी श्यामला कट मारला. यावेळी श्याम याने गाडी हळू चालवा असे अ‍ॅक्टीव्हा चालकास सांगितले. त्याचा राग आल्याने त्या अनोळखी व्यक्तींनी काहीतरी बोथट वस्तूने श्यामच्या डोक्यात मारहाण करून शिवीगाळ केली. याप्रकरणी पोलीस नाईक पी. आर. शिवरामे तपास करत आहे.
नाशिक : दरवाजाचा कडी कोयंडा तोडून आतमध्ये प्रवेश अज्ञात चोरट्याने २ लाख १५ हजार रुपये किंमतीचे दागीने चोरून नेले. याप्रकरणी संकेत नंदन दाणी (रा. पाईपलाइन रोड) यांनी सातपूर पोलीस ठाण्यात फिर्याद दिली आहे.
शनिवार (दि. २६) मध्यरात्रीच्या सुमारास अज्ञात चोरट्याने कडी तोडून दाणी यांच्या घरात प्रवेश केला. व ५० हजार रुपये किंमतीचे मंगळसूत्र, १ लाख २५ हजार रुपये किंमतीच्या सोन्याच्या चार बांगड्या व ४० हजार रुपयांची रोख रक्कम चोरून नेली. याप्रकरणी पोलीस उपनिरिक्षक राठोड तपास करत आहे.
—
अंबडला युवकाची आत्महत्या
नाशिक : राहत्या घरी दोरीच्या सहायाने युवकाने आत्महत्या केल्या केली. नरसिंहराम छोगारामजी चौधरी (रा. अंबड) असे आत्महत्या करणाऱ्या युवकाचे नाव असून याप्रकणी अंबड पोलिस ठाण्यात आकस्मात मृत्यूची नोंद करण्यात आली आहे. शनिवार (दि. २६) दुपारी एक वाजेच्या सुमारास नरसिंहराम याने घराच्या हॉलमध्ये दोरीच्या सहायाने सिलिंग फॅनला गळफास घेतला. घटनेचे कारण समजू शकले नसून हवालदार गारले तपास करत आहे.
