रायगड – जिल्ह्यात एक भीषण अपघात झाला असून वऱ्हाडाचा ट्रक थेट ३०० फूट खोल दरीत कोसळला आहे. कुडपान येथे ही घटा घडली असून तातडीने बचाव कार्य हाती घेण्यात आले आहे. या अपघातात अनेक जणांचा मृत्यू होण्याची शक्यता व्यक्त केली जात आहे. पोलादपूर पोलिस स्टेशनचे कर्मचारी, ट्रेकर्स आणि आपत्ती बचाव पथक घटनास्थळी बचावकार्य करीत आहेत.
विवाहानंतर परतणारा वऱ्हाडींच्या ट्रक कुडपान जवळ आला. यावेळी चालकाचे ट्रकवरील नियंत्रण सुले. त्यामुळे ट्रक थेट ३०० फूट खोल दरीत कोसळला. याची माहिती पोलिसांना मिळताच तातडीने त्यांनी बचाव पथकासह घटनास्तळी धाव घेतली. सायंकाळच्या सुमारास ही घटना घडली असून अंधारामुळे बचाव कार्यात अडथळे येत आहेत. हा ट्रक रत्नागिरीहून रायगडकडे जात होता. ट्रकमध्ये २० ते २५ जण असल्याची प्राथमिक माहिती आहे. बचाव कार्य वेगाने सुरू असल्याचे जिल्हाधिकारी निधी चौधरी यांनी सांगितले आहे.
दरम्यान, ४ मृतदेह आतापर्यंत काढण्यात आले असून उर्वरीत व्यक्तींचा शोध सुरू आहे.
