लासलगाव – लासलगाव-विंचूर रस्त्यावर संध्याकाळी सातच्या सुमारास मालट्रक व मोटरसायकच्या भीषण अपघातात दोन जण ठार झाले आहेत. या अपघातात विवेक कारभारी दरेकर (वय २८ वर्षे), शेखर रमेश गुंजाळ (वय २६ वर्षे) हे दोन जण ठार तर चार गंभीर जखमी झाले. ठार झालेले दोन्ही युवक विंचूर जवळील हनुमान नगर येथील आहेत. अपघात झाल्याची माहिती समजताच लासलगाव पोलिस ठाण्याचे सहाय्यक पोलीस निरीक्षक राहुल वाघ हे तात्काळ घटनास्थळी दाखल झाले. जखमींना तातडीने निफाड येथे रूग्णालयत दवाखान्यात पाठविण्यात आले.
याबाबी माहिती अशी की, लासलगाव येथून विंचूर कडे जात असताना लासलगाव – विंचुर रोडवर मंजुळा लॉन्स जवळ माल ट्रक नंबर MH 15 BJ 6156 वाहन चालकाचा ताबा सुटूल्याने या झालेल्या भीषण धडकेत विवेक कारभारी दरेकर वय २८ वर्ष , शेखर रमेश गुंजाळ वय २६ वर्ष दोन्ही रा. हनुमान नगर ठार झाले आहे. तर सदरचा ट्रक रस्त्याच्या बाजुच्या शेतात राहणारे शेतमजुर यांचे राहत्या घरात घुसली यावेळी घराबाहेर उभी असलेली जर्शी गाईचे या अपघतात मृत्यू झाला आहे. या अपघातात आरती दिपक चव्हान वय 18 वर्ष , आकाश राजु मोरे वय 14, निकीता ज्ञानेश्वर चव्हाण वय 13 वर्ष , नितीन संदीप चव्हाण यांना गंभीर दुखापत झाले असून घरातील संसार उपयोगी वस्तुंचे मोठ्या प्रमाणात नुकसान झाले आहे ट्रक ने दिलेल्या घडकेत या मोटरसायकल चक्काचुर झाला आहे
या प्रकरणी आकाश संतोष गुंजाळ रा. हनुमान नगर यांनी मारुती रंगनाथ सुरासे (रा . देवठाण, ता. येवला) याच्या विरोधात लासलगाव पोलीस ठाण्यात गुन्हा दाखल केला आला आहे.
