मुंबई : महाराष्ट्राचे माजी मुख्यमंत्री देवेंद्र फडणवीस यांच्या पत्नी अमृता फडणवीस या कायमच चर्चेत असतात. नव्यानेच रिलीज झालेल्या त्यांच्या एका मराठी गाण्यामुळे त्या सध्या चर्चेत आहेत. अमृता यांचं हे नवीन गाणं श्रोत्यांच्या काही पसंतीस उतरलेलं नाही. युट्युबवर प्रदर्शित झालेल्या या गाण्याला लाइक्सपेक्षाही जास्त डिसलाईक्स मिळाली आहेत.
भाऊबीजेच्या दिवशी अमृता फडणवीस यांचं ‘तिला जगू द्या’ हे गाणं प्रदर्शित झालं. मुलींचे सबलीकरण या विषयावरील हे गाणं टी सिरीज मराठीने लाँच केलं आहे. मुलींना जगवण्याचे तसेच उत्तम संगोपन करण्याचे आवाहन यात करण्यात आले आहे. भाऊबीजेला लाँच झाल्यापासून जवळपास १५ लाख लोकांनी हे गाणं ऐकलं आहे. त्यातील तब्बल ४५ हजार लोकांनी गाण्याला डिसलाईक केलं आहे. म्हणजे गाणं चांगलं आहे, पण गायिका बदला, असा सूर अनेक कॉमेंट्सचा आहे. अनेकांनी अमृता फडणवीस यांची खिल्ली उडवली आहे. तर अवघ्या ६ हजार लोकांनी याला लाईक केले आहे.
