नवी दिल्ली – कोव्हॅक्सिन लसीच्या चाचण्यांच्या पहिल्या टप्प्या दरम्यान सुमारे १७ टक्के लोकांनाच लसीचे किरकोळ दुष्परिणाम जाणवले. तथापि, त्यातील बहुतांश जण २४ तासांत बरे झाले. तसेच सदर लस लोकांमध्ये कोरोनाविरूद्ध रोग प्रतिकारशक्ती निर्माण करत आहे, असे पहिल्या टप्प्यात दिसून आले आहे.
एका सरकारी आरोग्य अहवालानुसार, कोव्हॅक्सिन चाचण्यांचा पहिला टप्पा देशभरातील ११ रुग्णालयात ३७५ लोकांवर राबविण्यात आला. यात १८ ते ५५ वर्षे वयोगटातील लोकांचा समावेश आहे. या चाचणी दरम्यान एकूण ६२ जणांनी विविध प्रकारचे साइड इफेक्ट्स नोंदवले, त्यातील बहुतेक अल्पवयीन आहेत. सर्वाधिक १७ लोक इंजेक्शनच्या ठिकाणी वेदना झाल्याची तक्रार करत होते. १३ लोकांनी डोकेदुखीची तक्रार नोंदवली. तर ११ लोकांनी थकवा जाणवल्याची तक्रार केली. याव्यतिरिक्त, नऊ जणांना ताप आला आणि सात जणांना मळमळ आणि उलट्यांचा त्रास झाला. तर इतर पाच जणांनी इतर लक्षणे दर्शविली. अहवालानुसार, न्यूमोनियाचे गंभीर दुष्परिणाम केवळ एका व्यक्तीमध्ये दिसून आले.
या अहवालानुसार, पहिल्या टप्प्यातील चाचणीचे मुख्य लक्ष औषध किंवा लसीचे दुष्परिणाम काय आहेत, हे शोधण्यात आले आहे. कोव्हॅक्सिनचे झालेले दुष्परिणाम नव्याने बनवलेल्या कोरोना लसींपेक्षा कमी आहेत, या अभ्यासात आयसीमारचे महासंचालक बलाराम भार्गव, भारत बायोटेकचे डॉ. कृष्णा इला आदी शास्त्रज्ञांचा समावेश आहे. दरम्यान, भारत बायोटेक म्हणाले की, कोवाक्सिनच्या तिसर्‍या टप्प्यातील चाचणी दरम्यान १३ हजार लोकांना लसचा दुसरा डोस देण्यात आला असून तिसरा टप्प्यात एकूण २६ हजार लोकांना डोस दिल्या जात आहेत.
